حبيتك انا ولاتسأل انت شلون
ولاتسأل شنو الخلاني حبيتك
وتعديت المحبه وصرت اموت اعليك
انطيتك طابو كلبي وصار الك بيتك
وصرت افرح لفرحك وابتسم وياك
وازعل وانقهر لو يوم غثيتك
وحسيتك اليه وصرت أغار اعليك
ولو ترجعلي جان بروحي ضميتك
لا احد يشوفك لاتشوف الناس
الهوه لو ما حياتك ماوصل ريتك
وعطرك بس الي ممنوع ع الغير
وشمة مختنك كل لحظه شميتك
تانيتك سنين اتوقعك جاي
وبلهفة مفارك عمر تانيتك
صحيح تأخرت بس المهم جيت
ولو اندل مكانك جا تعنيتك
ما انطرتجيني واحمل ألتأخير
كبل أعوام جان من الزغر جيتك
جان تغيرت اوضاع يابو اوضاع
وجان اسمي لكيته بظهر جنسيتك
احب امي وابوي ومو انا اختاريت
زين شكد احبك وانا اختاريتك
وسميتك حبيبي مو سنه وسنتين
حبيب العمر والعباس سميتك
21/مارس/2013
الشاعر
غزوان القرغولي
ليست هناك تعليقات:
إرسال تعليق