أرد أغير بالقواعد
وأعرب الحب فعل ماضي
مبني عالضمه لـــ بأخر
موعد وياك إلتقيت
وأعرب الفركَه ضمير
متصل بنسان ثاني
هو ليشم الضفاير
وأني حاير
ألوفة ظل فعل ناقص
والغدر أفعاله تمت
والگلب مجرور جرت
متهم ما سوه كلشي
وغصب جروه عالمحاجر
صار شاعر
الذكرى عدة ألهه خوات
كان...محبوبي....خناجر
ساكن بنص الضلوع
الرية صارتله شموع
تنكَط أنفاسي دموع
وشفتي من البسمة عاجر
والضماير
نايمة وتكسر الخاطر
عالجرح مستتر ملحك
مخفي ليل بشمس صبحك
أنطر وما طلع باجر
وهذا مو أسم الإشارة
ألچنه متفقين بيهه
جنت أكَلك روحي وأنت
أدمنت كلش عليهه
25/مارس/2016
25/مارس/2016
الشاعر
غزوان القرغولي
ليست هناك تعليقات:
إرسال تعليق