خبر عاجل ..!!

   

أسبوع أجازة البرلمان 

والسبب صوره أسمعوا المفخره 

ناس كَالو صورة أم بالمكَبره 

لو صور تفجير ناس مبترّه 

لو صور باب السجون مكسره

 لو صور شعب الحضاره شلون يرجع ليوره 

لو صور بغداد صارت مجزره 

والشعب تالي عرف شنهو الجِره 

والله عيب وريت عمره مادره 

السبب صورة مراجع...؟!

 منكم الأسلام يا ساسه بره

29/أغسطس/2013


بقلمي الفقير

أخوكم الشاعر 

غزوان القرغولي

كرسي الرئيس ...!

الكرسي بهل البلد..صار أنتقام
 

والسكن بالمكَبره صار أزدحام
 

مو خشب كرسيهم وهذا أكيد
 

من جماجم هالشعب ويه العظام..!!

الشاعر 

غزوان القرغولي 

12/ أغسطس/2013

بيضٌ صنائعنا ...!!

 

 بيض صنائعنا...قبل

هسه أبيض شعرنه وما بقت شعره

خضر مرابعنا تظن..؟

نسيناهه الزراعه وگاعنه صحره

حمر مواضيكم.....نعم

هسه نحورنه بس البقت حمره

سود وقائعكم فخر..

هسه الثوب أسود والغصص مره...

5/أغسطس/2013

محبتي لكم
اخوكم الشاعر

غزوان القرغولي

كَلبي نورس ..

كَلبي نورس غير نسماتك 
فلا يشتم هوه
الدنيا ظلمة وغير نورك ماحلا 
بعيني ضوه 



مساء الورد 

4/ أغسطس/2013

أخوكم 
الشاعر غزوان القرغولي