الخميس، 16 يونيو 2016

الشمس شيعية








داعش هلا بيك منين ماجيت
تره الجابك علي ما گلك شبيه
انا البيه حميه وغيرة العباس
اكَص ايده اليحاول يمس ترچيه
وانت وظلمتك والگعد والناطور
واني لوحدي اجيت وصافيه النيه
وياي الشمس تترس ظلامك نور
شمس والت علي معناها شيعيه
من اصيحن ياعلي يكزبر الساتر خوف
واحس الكَاع كَوه تشيل رجليه
المهره بلا رسن بس تفهم الخيال
برفة شاربه تفهم محاچيه
وشيلن شيلة امي تهلهل بيمناي
تفزعني وتحشم نخوتي البيه
وشيل عكَال ابوي الشرف والنوماس
انا بعگال ابوي انتخت بيريه
گشايه واقل چلبت باخر خيط
اشمرك غاد من انكت الخاچيه
وتفكَتي بالفشك طرزت وجه الليل
فلاح وزرع كل شبر جوريه
انا امشط سعفهه بچفي حد متنام
افا توصل زلف واني اخو البرحيه
وحگ عفة شرف بت موصل الحدباء
بدل كل شعره منهه بلحية فصليه
انا مسوي الجثث طامور للبستان
يحفر كَبره بيده ليوصل لفيه
مناغي زمورهن واطرب ويه الشاجور
تلث جيلات يقفلهن بخاكيه
من يكمل البيت بصوت اصيح الله
يالشاجور بس عيد الابوذيه
انا الوازن مكَاديره وچيلاه
وچي غافل غدر جاني وچي لاه
لخلي طينته بخده وچيلاه
وادفنه بطينته العايل عليه







15/يونيو/2016


الشاعر
غزوان القرغولي 


ليست هناك تعليقات:

إرسال تعليق