الجمعة، 28 يونيو 2013

أبن دلة ومضيف ..






 




 شربنه الغيره كَهوه بالدواوين...
 
وعلّمنه المضيف نهلّي بالضيف..
 
هلا ومرحب تفضل يا ضوّه العين..
 
نفيّيلك ذرى من حرّت الصيف..






22/ يونيو/2013



بقلمي 

الشاعر غزوان القرغولي 


الثلاثاء، 25 يونيو 2013

حلم يجمعني بيك ..!!









بعيد ميلادك جبت روحي وأجيت
 

شمعة وتنوّر دروب سنينك
 

وجبت أحلى سنين عمري يالحبيب
 

ومن سواد عيوني كحلة لعينك
 

وجبت بسمة شفتي وفرحة صباي

أجيت أنثرهن ورد بجبينك
 

جبت أحلامي وأمل يجمعني بيك
 

مثل وردة وما هوّت بس طينك
 

زادت سنين العمر وأنضاف عام
 

وأحلى موعد جان بيني وبينك
 

يالعشت ويه النفس جوه الضلوع

أنت يم روحي وأصيحك وينك
 

فدوه لا تبعد تره نموت بجفاك
 

ونرد نحيى لو نمس جفينك
 

يالنويت تروح لطوّل المغيب
 

وأذكر أحبابك المحتاجينك







 25/ حزيران/2013

بقلمي 

الشاعر غزوان القرغولي 

الخميس، 20 يونيو 2013

بيا ذنب..!!


 

لابس أبيض... مو جفن هذا قميص..
 
من الصبح عنده أمتحان .. وسيفه قلمه...
 
ودع أمه.. وجنه كَاصد معركه....
 
يمه روح أخذ الشهاده تكلّه أمه...
 
 بيا ذنب... وبيا جريره وشنهو صار...
 
وهذا يا دين اللي يفتي بسفك دمه..
 
أنت جاهل.. والتخلف عمه عيونك...
 
وهو يدرس خفت لا يمحيك علمه..
 
شنهو ذنب .. الوالده التانت رجعته..

 والحبيبه الواعداهه تكَضي كل العمر يمه...
 






هاك أسمع نواعي الوالده وشوف :

 
 


أحلفنك ببوك تكوم وياي..
 
ردتك ذخر لسنين دنياي..
 
أنا خلافك ييمه فاكده الراي..
 
وبدمك صبغت اليوم شيبي..
 
كَوم وياي وافيني حليبي..
 
ليش الحزن بالدنيا نصيبي..
 
أشكي لربي هو اليسمع شكاي..










20/ حزيران/2013



بقلمي 
الشاعر غزوان القرغولي




الأربعاء، 19 يونيو 2013

وطن حنون ..









لو صارت عواصف ظلمه وبنص روج.....
 
وسفينه بلا شراع بنص بحر غضبان...
 
أندل الوطن وأعرف طريقه منين....
 
والكَاه ع الجرف فاتحلي الذرعان.....
 
أزعلنه بقصد وأبتعد عنه بشوك.....  

وأرجعله وأبوس ترابه اذا زعلان....






19/ يونيو/2013



بقلمي

الشاعر غزوان القرغولي