انا شبيدي..

 انا شبيدي ..

 ومراكب شوفك الترفات..

مالن وي تجاعيدي..

 وسواد عيونك المهيوب..

 شجاه ورافگ المتعوب..

 يرمشك بي طبع صياد..

 بس الحر ..اله صيده 

واليصعب..سهل بيده 

والطاير ..نذر عيده..

 شجاه وصوب المابي نفع ينصاد..

ويدريني بجنح مصيوب 

ويدري بنفسه هم ينلام..

 تره الصياد لو صاد ام جنح مكسور

..بين رفاگته معيوب.. 

غض البصر عني وروح..

 اني اصغر ذنب يمكن تشوفه العين..

 وكلش سهل منه اتوب..

 وانت من النده إنده 

يغصن البان والقداح..

خصرك شادهن شده

 يالبيك الفجر يتنومس بوردة 

يخايب شلك بواحد..

خلص كل حياته غروب ..

الشاعر 

غزوان القرغولي 
2017

ياسمين الشوكَــ

ابشرك ياسمين الشيب..

ازهر والزلف نتكَــ

 من اذكرك مدري ليش العين..

يكصر شوفهه وتعركَـ

وبجيت اعليك دم ابيض 

مامتوارد ويه دموع كل الناس 

بياض عيوني كله انفض 

يعوجيتي بعد شنهض 

بدونك رك جدم ممشاي...

وامشي بخطوة مشبكَـ

يطب ريتي النفس شوغات..

تعرض صورتك واشركَـ

 حامل ريتي بالحسرات ...

تكَضي الليل بس تطلكَـ

ويجي محشم عليه الليل ..

يعزف صوتك بمطبكَـ

وافز مرعوب من نومي.. 

وشم بطارف هدومي.. 

يهلبت عطر من طرواك

 يرد رويحي امن اشهكَــ

 تريد الحكَـ يطاري الماي 

عشت كل عمري الك شراي 

وابد ما رخصتلك سوم 

عيوني براسي موش عيون

 صارت مثل فتحة ناي 

ويمر طيفك هوا بيها 

ويطلع صوتها مبلل 

ويا صوت الشجن بالعين يعزف 

واللحن وشل 

وأرد واسأل 

عجب شايل طبع فلاح 

مسحاتك هجر وفراكَــ ... 

كلما طالت الخطوات ...

جرحك بالكَلب يغمكَــ

وابشرك خاف ماتدري 

خويت اني.. 

وخوه صدري 

واصبح مثل وحشة دار.. 

وكَلبي الصار شبه غراب.. 

وسط الدار ظل ينغكَـ













الشاعر
غزوان القرغولي
أغسطس 2017

الشمع سالفتة ضوه ..

والدمع هو الرباط..

 والنار من تسكت ..

جمر..

ودموعها تهل شعواط

 ومن دنگ بغيض احترگ..

مهضوم عود الشخاط 

والشارب الينگع دمع..

بس هو ليرف زماط.. 

وصنطة المگابر ينسمع....

صوت النواظر نگاط..

الشاعر 

غزوان القرغولي 
2017

محتاجك تمر لواث...

عيوني اشتاگت لطولك..

مامش من حصادك باث..

بعد مامش الك جيه..

حتى بحلم لو نيه..

طحين الوصل شح..بيه

محتاجك تمرني لواث...











الشاعر

غزوان القرغولي

8/أغسطس/2017

إنه العراق ...

سلام لكل إنسان يشاركني إنسانيته..

أنا محمد مسيحي الديانة..

تعلق قلبي بفتاة جميلة تدعى مريم ..


وهي على غير ديانتي هي مسلمة....

أحببنا بعض فنسينا أننا نختلف ..

طلبت يدها لتشاركني أيامي..

فوافق أهلها..

تزوجنا وعشنا حياة سعيدة كريمة ..

أنجبنا توأم متشابه في كل شيء..

أطلقنا عليهما إسمي علي وعمر..

عاشا كما يريدان ...

ومنحنا كل واحد منهما حرية في أن يختار طائفته..

فأصبح علي سني المذهب..

وعمر تشيع وإنتهج مذهب التشيع..

كبرا وأصبحا شابين...

على قدر من الوسامة التي تليق بالرجل..

فقررنا تزويجهما..

ومرة أخرى تركنا لهما الإختيار بمطلق الحرية..

فإختار عمر بنت أخواله الصابئة..

بينما فضل علي أن يتزوج من عمومته الإيزيدية..

نعم عشنا أجمل حياة..

ولم نسمح لأي طارئ أن يفكك تماسك أسرتنا الكبيرة..

إنه العراق يا إخوتي..

إنه العراق..











الشاعر

غزوان القرغولي

7/أغسطس/2017

فيزياء الحب

عندما إلتقيتها للمرة الأولى..

أدركت أن قوانين الفيزياء..مجرد زيف..


لأن قوة جاذبيتها تعادل أضعاف قوة جذب الأرض..

وأن ليس لكل الأفعال ردة فعل..

لأن جمالها فعل بي ما تعجز عنه كلماتي لترد عليه بنفس القوة..
وإن كمية السائل المزاح أكبر من الجسم الغاطس..

لأن سكاب مدامعي كان أكبر من مقدار حبها..

وأن الشمس ليست مصدرا للطاقة..

لأني كنت أستمد طاقتي منها..

وأن الموجة لا تتلاشى عند الإبتعاد عن المصدر..

لأن موجات شوقي لها تزداد إتساعا كلما أبتعدت عنها..

وإن أقصر طريق بين نقطتين لم يكن إزاحة..

لأن بين قلبي وقلبها كل الطرق قصيرة..

وإن الهواء لا يشغل كل الحيز من الفراغ..

لأن الفراغ بعد رحيلها..لم..ولا..ولن يشغله شئ...

الشاعر

غزوان القرغولي

2/أغسطس/2017

خويه علاوي شردلك.... وانت رحت وماترد

خويه چف الموت منجل ......يعتني لاجمل ورد

عادت اليطرش يوادع...... قبل لا ينوي البعد

الم لبصدري احسه .....ضلوعي ناقصهن فرد

يا گلب مليان طيبة...... شلون لماك اللحد











الشاعر

غزوان القرغولي

1/مايو/2017

أمي ..الشاعر غزوان القرغولي 2017

كولولها ...الفنان ياس خضر

31/ديسمبر/2016

ومضة ..!

اليوم إجتمعوا بمدرستي الآباء 

يبويه شعطلك شبطاك ما جيت











1/يناير/2017

الشاعر غزوان القرغولي

السدرة

آنه أول حرف مخطوط

واول طين

صالح للكتابه


آنه أم النبي ابراهيم

والتاريخ

آنه وآنه بابه

يتهموني بخبث

وآنه الچنت بير

أموت وما خذت دور الذيابه

آنا معبد

لمن جان الكفر دين

أنا زقورة

من چان الكهف بيت

آنا مهد الحضارة وأترس العين

لولاي القلم ماعنده كل صيت

يالما جيت

يالبترابها رجليك ما حنيت

يالما شامهه من بعيد

لا تظلم بخور العيد

ولا تحچي ورا اليحچون

تره عميان ميشوفون

أم الطيبة شجره شلون

إحذر ناسهه يشورون

يا لماجيت

كلهه چفوف تتلگاك

وبس تشوف طولك جاي

صاحت من بُعد حياك

وأبد ما تشعر بغربه

حنينه وتعشگ الصحبه

وأبنهه إعله الوفه مفطوم

شارب من فرات ونعم من شربه

يالسميتني شجره

أنصحك خويه روح أقره

آنا أبين الشجر سدره

مثمره ودايمه الخضره

بالقرآن منذكره

بفيهه تگعد الصحره

آنا موعد عشگ خلان

بعد فراگ

گمر تارس الليل شموع

ظل يتغزل بگمره

آنا السمره

آنا الملحه

آنا الماصخ بدوني الكون

آني اللي صرت ملحه..

31/ديسمبر/2016

الشاعر غزوان القرغولي

سجاني ..!!

حُريتي معكِ

وَسجني بَعدكِ

وَقُضباني التي إرتَضِيت أهدابَ عينكِ

ســـ أُنادي مُطالباً بِحُريتي

ســ أكسِرُ قيود وَحشتي

ســـ أعترف

بماذا سأعترف..؟

وهل يصدق سجاني؟

بــ إني خارج قضبانهِ أموتْ

وهل يسمعُ للعينِ صوتْ

ســ أعصبُ فَم عيني

وَأجبرها السكوتْ..!















22/ديسمبر/2016
الشاعر غزوان القرغولي

إخبروها

بإن الحياة توقفت

لإنها الماء الذي يحيي أنهاري

فقد باتت جروفي عطشى

ومراكبي طال إنتظارها

21/ديسمبر/2016

الشاعر غزوان القرغولي

چانون صبري

على چانون صبري اتحمه مشتاگ

 

واخلص الليل اورث ذكرى من ذكرى 

 

وتمر بروحي صفنة مگبرة بليل 

 

وعلى الرمله تطيح وتنسمع الابره 

 

ويفز بيه جرح من يمر طرواك 

 

من گد ما چويته ادمن على الجمره 

 

بكثر ماكتبت اسمك ضاج مني الطير 

 

لأن نثية الطير بأسمچ تعيره 

 

ليا شجرة يروح ويبني عشه هناك

 

يلگه اسمچ مطرز كل غصن شجره

***&&&***&&&***






19/ديسمبر/2016

الشاعر غزوان القرغولي

 

مداد ريشتي ..

كتبنا البدايةَ معاً

 وقمتي بِتَنقيط الأحرف

 جَملتي حياتي

 لم تترك سكون إلا وتحولَ إلى ضمة

 وأيُّ ضَمة تلكَ التي تَغمرني 

وَتُنسيني

 وَتَسقِطني من إعلى قِمم النشوة

 وسرعان ما تلتقطني

 وتحملني على أجنحة الدفء 

تَرفعني 

أعانق السَحاب وأرتقي النجوم

 تلكَ  قصتي

 التي لمْ تَكتملْ

 فقد رحلتْ مَنْ تَمّد ريشتي بالمِداد

 لم تكتملْ

 فقد بتُ حائراً

 هل تَعمّدتْ أن لا تضع نُقطةَ النهاية؟

 هل أنتظر عودتها

 أم أكتب ..
إن قصتي غير صالحةً للنشر..!

 نعم 

غير صالحةً للنشر 

لإنها بلا عنوان

 ولا نهاية..

 وَحقوق النشرِ مَحفوظة

 لِمنْ إبتدأت ..

لِمنْ خُطّتْ
حروف البداية













16/ديسمبر/2016

الشاعر

غزوان القرغولي

سأنتظر ..!

سأنتظر...!

 لكن متى.. وأين..؟؟

 لقد حفظت مَلامح المَحطات 

وحفرتُ بمقاعد الإنتظار بصمات القلق 

..بِتُ أسمع ضجيج القطار على بعد لقائين من فراقنا وصرت أُميّز من أين وإلى أين يتجه . 

يمضي الصيف بكل تفاصيلكِ..

 ويأتي الشتاء بكل مافيكِ 

وأنا لازلت بدفء كلماتكِ أنتشي ! 

ولكن..!
أبعدني هذا الإنتظار عن مرآتي وعندما تمعنتُ النظر!

 رأيت ذلك الإنسان الذي يُدعى "أنا "

 هل لكِ بِــ مُخيلةٍ ??

 لم أعرف من يكون هذا الأنا !!

 فَــــ قد تغيّرتْ مَلامحَ وجهٍ كان يُلازمني !!

 وأخذ الثلج يغزو هامةً كنتُ أظنها لي

 فهل لكَ ياربيع من عَودة ??

 سَئمِتُ نفسي ..
ومللتُ الإنتظار !!


















الشاعر

غزوان القرغولي

15/ديسمبر/2016

تعسا لوطن يبيع القبر على شهداءه..!

يا شهيد نام مرتاح الضمير


هاي گاعك حرة ظلّت

والليالي السود مرت

بس حسافة الوطن ماعندة ضمير

باعلك متره وشبر

وأنت بدمومك سكَيت

من شفت كَاع الوطن لدموم عطشت...










10/ديسمبر/2016


الشاعر
غزوان القرغولي

قديسة الوفاء

الصبرُ في محرابكِ يرهقهُ البقاء

والطُهرُ قُربَ طُهركِ يَنقصهُ النقاء

أنتِ وأنتِ قِصة

مَطلعُها الألفُ إنحنى

وإختتمت عُذريةً

بحرفِ حاءٍ ناصعٍ وحرفُ ياء

هو الحَياء

يا خيمةً دافئةً والِدها الشِتاء

عاشتْ كما يَشاء

في حُبهِ وَجودهِ أغدَقها عَطاء

وأُمها السَماء

في حَبلِها السُريّ أسرار بِلا إنتهاء

يا قابَ قوسين مِن الرواسي الشَمّاء

يامَنْ عَلَتْ وإستحكمتْ كإنها العنقاء

في دُنيةٍ صَحراء

عاشتْ لِمنْ يَقصِدُها كواحة خَضراء

مُثمرةً زاهيةً كريمةً غَنّاء

في المَسجدِ مِأذنةٌ

في دَيرِها راهبةٌ

يا نخلةً

بطولها شامخةً

يا مَنْ لغير أرضها لا تَعرفُ الولاء













3/ديسمبر/2016

الشاعر غزوان القرغولي

علگ بسدره

ياهو اليسهر ليله وياك 

وياهو اليتنطر ملگاك

 وياهو اليحسب كل خطواتك 

ويفهم حچيك من صفناتك 

ولو مرات يشوفك تبچي 

يتحول كل عمره چفوف

 ويمسح من عينك دمعاتك

 ويا اهاتك

 ويا آهاتك تخنگ صدره 

ويا نسماتك تشبه عطره

 يابيت المكتوب لغيرك

 بعدك لا اكتب لا اقره

 يالشاغل كل ذره براسي

 واكثر من امك بيك ادره

 يالحبيتك حب عالفطره

 يالشديتك علگ بسدره 

يلي بحبك قابض جمره 

تچويني وعاشگ چوياتك

 ويا چلماتك

 يا چلماتك مثل البسلم

 من اسمعهه تصير ويه الدم

 يا ماي ينگطلي الدنيا

 ميت محتاج لچلماتك

28/نوفمبر/2016

الشاعر 

غزوان القرغولي