عتب عندي ..على المهدي!
يمهدي طالت الغيبه.. أعرف هالعتب ياذيك...
وأدري يزيّد أحزانك
سائل جيت الي حاجه
...ومالي غير بيبانك كَلب الشيعه الك عطشان...
كَوم اروينه نهرانك
بعلل وهموم...وكَلب مالوم...
نعيش بخوف وبريبه
شيعتكم ولاها الضيم...
من ظالم الى أظلم وكل يوم اليمر عالناس....
تكَول الراح جان أرحم بغيابك يا أمام الكون....
جرعنا أيام مثل السم
الوعد شو طال...
الصبر جتال...
وعمرنا الراح شيجيبه
أعرف هالأمر ياذيك..
بس لازم يمر ذكره..
ضلع أم الحسن مكسور...
ياهو الغيرك يجبره ..
وجرح فكَد الولي الكرار...
وجبد الحسن ما يبره ..
ونحر جدك أبو السجاد....
وسبيّ بت حيدر الحره
بهضم وبنوح ...وكَلب مجروح....ويمهدي بيدك الطيبه
لو حاقد سألنه بيوم....
المهدي بيا وكت يظهر؟؟
نكَله كَربت أيامه ...
لو هي طويله..؟
أصبر ..نصبر والصبر جتال....
مثل النار تتوجر
يالمهدي نريد الغوث....
منك ياشبل حيدر
الوعد لو حان...تزيل أحزان...وأمل كل حاقد تخيبه
كل جمعه نكَول اليوم...
بيهه الفرج يالغايب نعد أيام صار سنين...
من حكَنه تره نعاتب عتاب الشيعه يامولاي ...
محب بمحبتك ذايب نطلب شوفتك مولاي...
وتحت رايتكم نحارب
ونشيل الراس ...يبو النوماس...يالحبك لنا هيبه
نريدك تظهر بهل الحين...
ويسطع نورك علينه ..
ماندري الزمان شضام
...ومن ضيمه شيراوينه..؟
نريدك تنصر المختار...وترفع كلمته ودينه
وترفع راية الأسلام...ويملي الخير أراضينه
وياك نسير...نشوف الخير..
ونعيم الأخره نصيبه
خادم أهل البيت
الشاعر
غزوان القرغولي
2007
اللهم عجل لوليك الفرج بحق محمد ال بيته الاطهر
ردحذفالاخ المبدع غزوان القرغولي سلمت يداك وسلم حبر قلمك الذي خط اروع الكلمات لتستغيث بصاحب الزمان من جور السلاطين وضلم الحكام للبشرية
متى ترانا ونراك ياصاحب الزمان فقد طال البعد فينا وألمت بنا مصائبنا وبتنا لانقوى على تحملها على امل اللقاء بك