الجمعة، 26 ديسمبر 2014

وحكَـــ عطرك ..










وحك عطرك فلا خنتك
تركت أنفاسي يم شعرك
تركت جفوفي ملفوفات
مثل احزام لف خصرك
تركت برودتي بملكاك
وأخذت الدفو من صدرك







25/ سبتمبر/2014

الشاعر 
غزوان القرغولي 


مرسلة بواسطة في ليست هناك تعليقات:

الأربعاء، 17 ديسمبر 2014

نصفي الثاني ..!





انتي نصفي المالكَيته..
 وعشت انتظره سنين..
 وانتي حبي الدوريته ...
 وحلم ما فارك العين..
 واني صح ماشفت رسمج..
 بس رسمتج ياسمين...
 اني جدا بيج معجب..
 العفو يمكن احبج..
 لا ولا حتى احبج..
 اني اعشقج ..
 بل متيم ..
 بل همت بيج وعشكَتج..
 عشك ناس مسودنين..
 يالصفاتج كلهه احبهه...
 ومشيتج حافظ دربهه...
 لوحجيتي كَلبي يصفن..
 ولو صفنتي كَلبي يسمع..
 يعرف انت شتكَولين..
 يالبدونج كَلبي صخره..
 وانت ورده بكَاع صحره..
 بيج روحي تصير خضره..
 وكَلبي مهما يطول عمره...
 بس الج ينبض حنين..

الشاعر 
غزوان القرغولي 
16/ سبتمبر/2014



مرسلة بواسطة في ليست هناك تعليقات:
الاشتراك في: الرسائل (Atom)