وحكَـــ عطرك ..

وحك عطرك فلا خنتك

تركت أنفاسي يم شعرك

تركت جفوفي ملفوفات

مثل احزام لف خصرك
تركت برودتي بملكاك
وأخذت الدفو من صدرك

25/ سبتمبر/2014

الشاعر 

غزوان القرغولي 

https://www.facebook.com/profile.php?id=100005049313633&fref=nf

نصفي الثاني ..!

انتي نصفي المالكَيته..
وعشت انتظره سنين..
وانتي حبي الدوريته ...
وحلم ما فارك العين..
واني صح ماشفت رسمج..
بس رسمتج ياسمين...
اني جدا بيج معجب..
العفو يمكن احبج..
لا ولا حتى احبج..
اني اعشقج ..
بل متيم ..
 بل همت بيج وعشكَتج..
عشك ناس مسودنين..
يالصفاتج كلهه احبهه...
ومشيتج حافظ دربهه...
 لوحجيتي كَلبي يصفن..
 ولو صفنتي كَلبي يسمع..
 يعرف انت شتكَولين..
 يالبدونج كَلبي صخره..
 وانت ورده بكَاع صحره..
بيج روحي تصير خضره..
 وكَلبي مهما يطول عمره...
بس الج ينبض حنين..

الشاعر 

غزوان القرغولي 

16/ سبتمبر/2014

https://www.facebook.com/profile.php?id=100005049313633&fref=ts

لسان حال أم فقدت أبنها في سبايكر ...

 
ﻻ ميت وأتعنه لكَبرك
لاحي وأنتظرك ترجعلي
يالتفزع تتلكَه دموعي
نشفت عيني كَوم أفزعلي
يالما تقبل تسمعني أنعي
شغير طبعك شو تسمعلي
يالزارع ضحكات بداري
بعدك حسره وهم يزرعلي
يمه فلانه اللي رايدهه
هم تنتظرك صدكَـــ مثلي
هم للملكَه تعد وتنطر
يمته تعود ويلتم شملي
يمه ونيشانك وديته
مو بالعيد تعرس كَتلي
يمه وأصحابك يوميه
ينشدوني مارد الغالي
أسكت ما جاوبهم يبني
ودموعي تجاوب عن حالي
يالطولك ما فاركَـــ عيني
يالذكَرك ما فاركَـــ بالي
يهلال وما عيد بعدك
تقبل ما أعيد يهلالي

الشاعر 

غزوان القرغولي 

29/سبتمبر/2014

https://www.facebook.com/profile.php?id=100005049313633&fref=nf

نقاء الصداقة

ليسَ جُرماً..
ليسَ عيباً...
هي أختارتهُ صَديقاً لا حبيباً..
الصداقة ..
أسمى أنواع العلاقة...
فـــ...لذلكَ إنتقاها وردةً مِن بين باقة..
كانَ يجمَعهُم حَديثاً ضِمنَ أسوار اللباقة...
قد يُعيبُ البعضُ مِنا..
ولد صادق بنتاً..
حتى قالو هذا حُباً..
هذا للمُنكر درباً..
هذا خدشٌ للتقاليدِ وَخرقاً..
ياعقولاً تجعلُ المرأةَ حِكراً..
يا عقولاً تجَعلُ المرأةَ طِفلاً..
فكروا بالعقلِ وأنسوها الغريزة..
هي أُختاً وصديقة هي إنسانة عزيزة

الشاعر 

غزوان القرغولي 

4/ سبتمبر/2014

بس موت يمي

بس موت يمي والفشك...طرز معالم ساتري..

 عطشانه روحي لشوفتك...يلي بعدت عن ناظري..

 بالموضع أحضن صورتك...بس هي تجبر خاطري..

9/ يونيو/2014

الشاعر 

غزوان القرغولي 

https://www.facebook.com/profile.php?id=100005049313633&fref=nf

فدينه شكثر لجله منفدينه...

وغيري صار محبس من فدينه؟

اداري هواي..

مثل الماي...

يزعلني ويجي شجاي..

عشنه سنين ...

رمش وعين...

وافيت واطلبه بدين...

دين هواي اطلبه منفي دينه..

مبري الذمه عالعشناه شويه...

 

30/مارس /2014

الشاعر
غزوان القرغولي

يبجيني بصلافه ويرد يسأل ليش.....

حبيبي شبيك ياهو النزل دموعك...

وخفت لاينجرح ماكتله انت وياي....

كتله دموع فرحة كلبي برجوعك ....

11/ يناير /2014

الشاعر 

غزوان القرغولي 

أنا خلافك مكَابر ساكنتني أشباح..........ومن ترجعلي أتحول ورد قداح

وأحس نظرات عيني من تجي تهد ليك........وتسبكَني وتشبكَك لوّن طولك لاح

وأحس كَلبي بغيابك جادر ومنصوب........وبس اللون الأسود ليه صار وشاح

من يمر صدى أسمك جني أسمع ناي.......ويعيد القصه كلهه وكل حجينه الراح

أحس هجرك قطار وسجته من جروح..........داس جروح كَلبي وبس عليهه أرتاح

8/ يناير/2014 

الشاعر 

غزوان القرغولي

https://www.facebook.com/profile.php?id=100005049313633&fref=ts  

أرجع عاد ..كافي بعاد !!

عليك الكَلب كدر ما بعد سر..
 

الفرح تيه خطوتي هم بعد سار..
 

تريد أخبار..
 

شنهو الصار..
 

دمعي بكل مسه خطار...
 

أرجع عاد..
 

كافي بعاد...
 

بُعدك سوه كَلبي رماد..
 

أبشرك ما بقى بكَلبي بعد سر...
 

معرض للصور وأنفتح بيه...

 

 مساء الورد على عيونكم

1/مايو/2014

الشاعر غزوان القرغولي 

https://www.facebook.com/profile.php?id=100005049313633&fref=ts 

حباً فرعونياً نقشه..!!

أحببتكِ مِن خلفَ زجاجة

 حباً تتلاطم أمواجه

حباً فرعونياً نقشه

سراً لا يمكن إخراجه

أصمتْ أو أتكلمُ عِشقاً

فكلاهما ناراً وهاجه

أجتحتي بحبكِ مملكتي

وأنا أضعفُ من إخراجه

في صوتكِ دفء خمريّ..

بردانٌ.. لدفئكِ مُحتاجه

قلبي طيرٌ..حبكِ ريحٌ

ضيّعَ قلبي في أدراجه

وصلكِ دربٌ ما أجمله

عينيايَّ تروم لِمعراجه

القِز..من شعركِ ينسج

وحريرٌ أجملَ إنساجه

في بيدائكِ شفتي عطشى

في ثغركِ ماءاً  ثجاجا

أهدابُ عيونكِ قُضباني

وسَجينكِ لا يرجو إفراجه

15/مايو/2014

الشاعر 

غزوان القرغولي 

https://www.facebook.com/profile.php?id=100005049313633

لاتنشغل عني ..!

   

صافن اني وكلبي ظل مشغول بيك...

فدوه لاتنشغل عني..

خاف كلبي ...

يصفن واتوفه بيك..

30/كانون الثاني /2014

الشاعر 

غزوان القرغولي 

https://www.facebook.com/profile.php?id=100005049313633&fref=ts 

روح الله لا وياك ..!!

شابكت عطر الورد ونسيت بيه اشواك

بعطرك نسيت الالم سبحان من سواك

روح أنت وأخذ العطر

خليلي بس الغدر

تبقى أنت واحة شعر

ولو قررت تبتعد روح الله لا وياك..!

10/ كانون الثاني /2014

الشاعر غزوان القرغولي 


https://www.facebook.com/profile.php?id=100005049313633 

الى احد الاصدقاء الاعزة

الذي فضل السكوت على البوح بما يختلج من حسرات بداخله..

 

 

دخيلج يا سمه شكَد شايله غيوم ....ثكَل حملج وما نزلتي كَطره

حملج مشتهيته الكَاع هاليوم.......لو طوفان تستقبل المطره

3/ كانون الثاني /2013

الشاعر 

غزوان القرغولي  

https://www.facebook.com/profile.php?id=100005049313633&fref=ts

دمتَ نوراً ..ياكتابي

أسمعهُ حين يحكي وأن كان بِصمتْ..!
 

ويسمعني حينَ أبكي وأن كان بكبتْ
 

ضممتهُ كثيراً الى صدري
 

غفوتُ وهو الأقرب الى دقات قلبي
 

لازمني منذ نعومة أظافري
 

وأزددتُ تعلقاً بهِ وكبرتْ مشاعري
 

فيا جليساً لايُملْ
 

ويا رفيقاً للمُقلْ
 

ستبقى مني وأنا منك
 

حبرك هو دمي الذي يمشي في عروقي
 

يا صباي
 

يا شبابي
 

دمت نوراً... يا كتابي

7/كانون الثاني /2014

الشاعر 

غزوان القرغولي  

https://www.facebook.com/profile.php?id=100005049313633&fref=ts 

لو صارت عواصف ظلمه وبنص روج.....

وسفينه بلا شراع بنص بحر غضبان...

أندل الوطن وأعرف طريقه منين....

والكَاه ع الجرف فاتحلي الذرعان.....

أزعلنه بقصد وأبتعد عنه بشوك.....

وأرجعله وأبوس ترابه اذا زعلان.

16/ كانون الأول /2013

الشاعر 

غزوان القرغولي 

https://www.facebook.com/profile.php?id=100005049313633&fref=ts 

دمعة ..!!

عشرتي وياك مثل الدمعه والتمساح ..

على ادنى المواقف تدمع عيونه

5/ كانون الثاني /2014

الشاعر 

غزوان القرغولي