الأربعاء، 25 سبتمبر 2013

لا تنغــــــــــــر...!!










لتغرك أنصارك من يهوسون   ***   تره القبلك فدوله الروح والدم

وليخدعك حجيهم من يمدحوك  *** تره بكَد المدح هم راح تنذم

هذوله الهوسو أي مستفادين  *** بس أحجيلي عن العاش مُعدم
 
أكو ناس بوجودك صارت ملوك  *** واكو ناس بعشرتك ضاكت السم
 
أحذرك لا يلعنك يوم تاريخ  ***عدنه أقلام وكحه الموت ميهم






الشاعر
غزوان القرغولي


25/ 9 /2013







احلام وهوايه الفرق !




 







 من يمر يعصرني الغسق
 
وانتظر جيتك يا شفق
 
ولو ردت احقق امنيه
 
لازم ادونهه بورق
 
ولو ما اسجلهه صفت
 
احلام وهوايه الفرق










18/ فبراير/2013


الشاعر 
غزوان القرغولي 
  



أنا تاريخ ومجد ..أنا أبن هذا البلد















آني آشور وأكد
 
آني بابل والاسد
 
آني سومر ...آنه أور
 
آني تاريخ ومجد
 
ولو بقيت أكتب صفاتي
 
ما اظن يبقى مدد
 
للسمه اسمي عمد
 
للارض اسمي وتد
 
بكل فخر آني عراقي
 
والعراق اجمل بلد







24/ فبراير /2013


الشاعر 
غزوان القرغولي 
 






بغــــــــــــــــــــداد


















 بغداد عين الشمس...
 
بغداد وجه الكمر...
 
بغداد كَعدت عشك...
 
بغداد ليل وسمر....
 
بغداد عشك الصبا...
 
بغداد حب العمر...
 
بغداد سنة علي...
 
بغداد شيعة عمر ...
 
بغداد حبي الج...
 
نورس وساحل بحر...












25/ فبراير /2013


الشاعر 
غزوان القرغولي